EXTREME CHILL / OFF VENUE

Á þessum off venue viðburði munu 4 listamenn koma fram og skapa rafmagnaða stemningu, þessu viltu ekki missa af! 

Plasmabell 14-14:30

Fyrsti flytjandi dagsins er Plasmabell (Bára Kristín). Plasmabell er íslensk listakona sem býr á Norðurlandi. Hún hefur skapað raftónlist síðan 2003. Tónlistin er kaótísk; hún þróast lífrænt og breytist því í hvert sinn sem hún er flutt.

Kira Kira 14:45 - 15:30

Annar flytjandi verður Kira Kira, sem er sviðsnafn íslensku tónlistar- og kvikmyndagerðarkonunnar Kristínar Bjarkar Kristjánsdóttur. Hún blandar saman ævintýralegri tónlist og skapandi kvikmyndagerð. Hún er þekkt fyrir að semja tónlist fyrir kvikmyndir og sjónvarpsþætti eins og „Dream Corp LLC“ á Adult Swim og hefur gefið út fimm sólóplötur ásamt því að hafa haldið tónleika víða um heim.

Álfbeat 15:45-17:00

Álfbeat er kennari í heimspeki á daginn og fjölhæfur DJ á kvöldin þar sem hún blandar saman fjölbreytilegum tónlistarstílum. Frá uppruna sínum með Extreme Chill fjölskyldunni til ástar á ambient og tilraunakenndri tónlist, nær tónlistarskrá Álfbeat einnig yfir post-punk, indie, jazz, hip hop, house, teknó og meira til. Með yfir 30 ára reynslu sem tónleikagestur og dansáhugamaður steig hún inn í DJ heiminn og hefur komið fram í börum, klúbbum, hátíðum og útvarpsþáttum með settum sínum. 

Mixmaster Morris 17-18:30

Mixmaster Morris er goðsögn í tónlistarsenunni, þekktur fyrir frumkvöðlastarf sitt í afslappaðri og tilraunakenndri raftónlist. Hann hóf feril sinn á miðjum níunda áratugnum, stofnaði The Irresistible Force og skapaði fyrsta teknóviðburðinn í London, The Madhouse. Hann hefur túrað víða og DJ-að á þekktum viðburðum eins og Berlin Love Parade, Glastonbury Festival og rave-viðburðum um allan heim. Með útgáfur hjá plötufyrirtækjum eins og Ninja Tune og samstarf við listamenn eins og Pete Namlook, hefur Morris haft áframhaldandi áhrif á mótun raftónlistarsenunnar.

Það er frítt inn og allir velkomnir!