Iceland Airwaves Off Venue: JóiPé

“Hvað gerist næst, hvert er framhaldið?” er fyrsta setningin á Fram í rauðan dauðann, fyrstu sólóplötu JóaPé sem kom út 21.október 2022.

Jói hefur lagt hart að sér síðastliðin þrjú ár til þess að finna svarið við þessari spurningu en svarið er skýrt. JóiPé er mættur og framtíðin er björt.  Jói vann plötuna með stórvalliði íslenska tónlistarbransans en hljóðheimur verkefnisins var unninn með magnúsi Jóhanni og Hafsteini Þráinssyni. Þeir lögðu upp með að kjarna vissan hiphop hljóðheim en vildu á sama tíma blanda því stafræna með því lifandi, því harða með hinu ljóðræna. Með því að kalla til strengjakvartett, Tuma Árnason á saxófón og Magnús Trygvason Eliassen á trommur í bland við píanóspil Magnúsar Jóhanns og gestasöngvara á við Valdimar Guðmundsson, fæddist 10 laga tónverk sem fer beint í blöð tónlistarsögu Íslands.